Bloggfærslur mánaðarins, desember 2012
Konan horfir yfir árið sem er að líða og trúir eiginlega ekki hvaða sigrar hafa náðst á því. Efst í huga hennar er þakklæti til allra þeirra sem hafa stutt hana með ráðum og dáð. Eiginmaðurinn trjónir þar hæst en börnin og móðir hennar koma þar næst og auðvitað allir hinir sem hafa lagt hönd á plóginn til þess að konan gæti orðið það sem hún er í dag.
Árið byrjaði með verknámi á Æfingastöðinni sem var lærdómsríkt og frábær staður í alla staði, ritgerðarskrif tóku svo við frameftir vori og loksins komið að útskrift. Konan útskrifaðist sem iðjuþjálfi og við það að fá það plagg í hendur um að hún væri eitthvað, hrökk sjálfsálitið í gang og hefur síðan verið óstöðvandi hækkun á því og það bryti niður allar gengisvísitölur því að í hvert sinn sem útlit fyrir að það fari að hægja á hækkuninni þá gerist eitthvað sem ýtir enn undir hækkun.
Konan vinnur á stað þar sem hún á svo vel heima ( með geðveiku fólki) og henni finnst hún hafa himinn höndum tekið með því að hafa fengið þetta starf. Því að í rauninni finnst henni þetta ekki vera einhver hardcore vinna heldur common sense eða almenn skynsemi, sem gæti legið í því að konan getur auðveldlega sett sig í spor þeirra sem hún sinnir, því að hún hefur upplifað depurðina, kvíðann og félagsfælnina sem margir þessara skjólstæðinga hennar finna fyrir ásamt uppgjöfinni og finnast maður sjálfur ekki vera nokkurs virði. Þetta er dýrmæt reynsla sem gerir, að því er konan telur, skjólstæðingum hennar meira gagn en 4 ára háskólanám.
Eitt er það sem situr í konunni frá árinu 2012 og það er að hafa ekki getað klárað gönguna í kringum Kerlingafjöllin og áramótaheitið er það að hún ætlar að geta tekið þátt allan tíman í göngu sumarsins 2013 og þar á meðal eru Kristínartindar í Skaftafelli og það verður Everest konunnar árið 2013.
Það er gott að hafa markmið til þess að stefna að og konan stefnir ótrauð áfram og lætur ekkert stöðva sig og alls ekki púkann sem er líklega fluttur að heiman og konan býst við kvörtun frá púkaverndanefnd fyrir slælega meðferð og algjöran skort næringu.
Elsku bestu ættingjar og vinir, megi nýja árið, 2013, bera í skauti sér hamingju og heilbrigði ásamt ást og gleði ykkur og fjölskyldum ykkar til handa.
Bloggar | 31.12.2012 | 10:50 | Slóð | Facebook | Athugasemdir (0)
Eldri færslur
- Júní 2017
- Apríl 2017
- Febrúar 2017
- Janúar 2017
- Desember 2016
- September 2016
- Júlí 2016
- Júní 2016
- Maí 2016
- Janúar 2016
- Nóvember 2015
- September 2015
- Júní 2015
- Febrúar 2015
- Janúar 2015
- Desember 2014
- Nóvember 2014
- Ágúst 2014
- Júní 2014
- Apríl 2014
- Febrúar 2014
- Janúar 2014
- Desember 2013
- Nóvember 2013
- September 2013
- Júlí 2013
- Júní 2013
- Apríl 2013
- Desember 2012
- Nóvember 2012
- Október 2012
- September 2012
- Ágúst 2012
- Júlí 2012